ညကမက်လိုက်တဲ့စက်ဝိုင်းအိပ်မက်


ညကပေါ့
ယုံကြည်မှုတွေကို ခေါင်းထက်မှာ
ပန်းတစ်ပွင့်စာထိုးစိုက်လိုက်တော့
ရင်ဘတ်ခရောင်းဟာ
အသွားအလာများတဲ့လမ်းမတစ်ခုလို
အိပ်မက်တွေနဲ့ ကျွဲပခုံးထနေ ………………

ရသမျှညရောင်တွေကို ထမ်းလို့
အရှိတရားကို ဖီးသင်လို့
စိတ်ကိုစိတ်နဲ့ မျှားလို့
သန်းခေါင်ထက်နက်တဲ့ညကိုမှတွေ့ချင်သူ
သွားချင်ရာသွား
မင်းဟာစက်ဝိုင်းလို ပြန်လည်လာမှာပါတဲ့
ဘယ်ကမှန်းမသိ
ကြားရတဲ့အသံ
မျက်ထောင့်နီနဲ့တစ်ချက်စိုက်ကြည့်
စက်ဝိုင်းလိုပြန်လည်စရာမလို
အားရပါးရပြောပစ်ပြီး
အိပ်မက်တစ်ဆုံးစာ
အရိပ်ကစားထွက်လာခဲ့…………………..

စိတ်ကြီးဝင်ခြင်းစက်လက်နဲ့ကောင်ပါ
သီအိုရီတောမှာနေပြီး
သီအိုရီတွေကို ဘူးခံငြင်းတဲ့ကောင်
ကိုယ်တိုင်သာယိုင်နဲ့နဲ့ရယ်
ချိုင်းထောက်ကို မျက်မုန်းကျိုးတဲ့ကောင်
လူကသာခပ်ပျော့ပျော့ရယ်
သူ့ကဗျာတွေကိုမာစေချင်လိုက်တဲ့ကောင်
အဲသလိုကောင်က
အရိပ်ကစားချင်ရင်
အရိပ်သုံးပါးနားလည်စရာမလို
စက်ဝိုင်းလိုလည်စရာမလို
တစ်ကိုယ်ရည်တစ်ကာယ
အဘိဓမ္မာနဲ့ကြုံးကြုံးအော်တယ်
စက်ဝိုင်းလိုပြန်လည်လာမှာပါတဲ့
ကြားနေရဆဲ အသံကိုထပ်အောင်
အာခေါင်ကိုခြစ်
ကြုံးကြုံးအော်ပစ်တယ်…………………..

အဲဒီကောင်ပဲ
သူဟာ ရှိရှိသမျှသွန်ပစ်ခဲ့တဲ့
ခွက်အလွတ်တစ်လုံးပါဆိုလားဆိုရဲ့
ဘယ်သူမှစိတ်ဝင်စားဖို့မလိုဆိုပြီး
လိပ်ပြာလုံအောင်ရဲဆေးတွေတင်
အိပ်မက်တစ်လျှောက်လုံးမှာ
အရိပ်ဟာအရိပ်တွေနဲ့သာထပ်နေခဲ့
ဘယ်လိုဖြစ်ဖြစ်
စက်ဝိုင်းလိုပြန်လည်စရာမလို
အရိပ်ကစားမှတော့
အရိပ်ထက်ပိုပြီးအရိပ်ဖြစ်မလာ
မင်းဟာတစ်ကယ့်ကိုစက်ဝိုင်းလို
ပြန်လည်လာပြီတဲ့
အသံက
တစ်စတစ်စလွန်ကဲလာ……………………

အရိပ်ကစားဝတဲ့
အိပ်မက်ခရီးရဲ့အဆုံး
ကိုယ့်ရင်ဘတ်ကိုယ်ထွန်ခဲ့တဲ့ကောင်ဟာ
ဗဟိုကိုမှစွဲတဲ့ မြှားတစ်စင်းလို
ခပ်ပြုံးပြုံးနဲ့ စက်ဝိုင်းသံကိုရှာကြည့်နေ
စက်ဝိုင်းလိုပြန်လည်စရာမလို
အောင်မြင်မှုတွေကို ဝှေ့ယမ်းပြဖို့
စက်ဝိုင်းလိုပြန်လည်စရာမလို
ကစားခဲ့တဲ့အရိပ်တွေအကြောင်းစာစီပြဖို့………………..

တစ်ခုဆုံးရင် တစ်ခုပြန်စ
အိပ်မက်ရှိနေသေးသမျှ
အစဟာအဆုံး အဆုံးဟာအစ
စက်ဝိုင်းတစ်ခုပါတဲ့
ရှာနေတဲ့အသံရဲ့ အသံကိုအကြား
စက်ဝိုင်းလိုပြန်လည်စရာမလိုဆိုတဲ့
အဲဒီကောင်လေ
တောက်တစ်ချက်သာ
ပြင်းပြင်းခေါက်လိုက်မ်ိခဲ့
သန်းခေါင်ထက်နက်တဲ့ညထဲမှာ..................................။။။

အိုင်လွယ်ပန်























9 comments:

တင့်ထူးရွှေ said...

ဟိုက် ဘရို ၊ ခံစားချက်တွေ ပြင်းလှချည်လား
စက်ဝိုင်းအိပ်မက်ဆိုတဲ့ စကားလုံးကကို ကောင်းနေတာ ၊
အဆင်ပြေပါစေဗျို့ :)

loyallove said...

တကယ်မိုက်တယ်ဗျို့ အားပေးလျက်ပါ
အဆင်ပြေပါစေ

mgngal said...

အရိပ်ကစားဝတဲ့
အိပ်မက်ခရီးရဲ့အဆုံး
ကိုယ့်ရင်ဘတ်ကိုယ်ထွန်ခဲ့တဲ့ကောင်ဟာ
ဗဟိုကိုမှစွဲတဲ့ မြှားတစ်စင်းလို
ကောင်းလိုက်တဲ့ အသုံးတွေဗျာ တကယ်ပဲ ။ အိပ်မက်တွေ
သံသရာလည်နေတယ်တဲ့လားဗျ ။ အဆုံး မရှိတာတော့
အသေအချာပဲ ကိုယ့်လူရေ ။ :)

U.G.C said...

:)

မောင်မျိုး said...

တစ်ခုဆုံးရင် တစ်ခုပြန်စ
အိပ်မက်ရှိနေသေးသမျှ
အစဟာအဆုံး အဆုံးဟာအစ
စက်ဝိုင်းတစ်ခုပါတဲ့

ကောင်းလိုက်တဲ့ ဆိုရိုးစကားလေး မှတ်သွားတယ် ကိုအိုင်းရေ့ ။

ခေါင်ခေါင် said...

အတွေးလေးကို ကအရမ်းကောင်းနေတာ....

လင်းဒီပ said...

ကဗျာလေးက မကျေမနပ်နဲ့ပေါက်ကွဲပြီးရန်ဖြစ်နေတယ်..
လောကနဲ့..ကိုယ်တိုင်နဲ့...ဖြစ်တည်မှုတွေနဲ့..
လောက ကရွတ်ကင်းပေါ်မှာပဲ နေထွက်ပြီး နေဝင်ကြရတာပေါ့..

Moe Myint Tane said...

အရိပ်နဲ့ကစားတတ်တဲ့ ကိုအိုင်လွယ်ပန်ရေ အိပ်မက်ဆိုတာရှိနေသမျှ စက်ဝိုင်းဆိုတာ လည်နေကြဦးမယ်ဆိုရင် လည်လိုက်စမ်းပါစေဗျာ။ စက်ဝိုင်းလည်နေသမျှ ကျွန်တော်တို့ဟာ အောက်ရောက်ပြီးရင် အပေါ်တော့ တစ်ခေါက်ပြန်ရောက်ဦးမှာပါ။


စိတ်၏စေရာနာခံလေသော

မိုးမြင့်တိမ်

thihanyein said...

တောက်...မိုက်တယ်ကွာ ဒီကဗျာကတော့
အိပ်မက်ခရီးရဲ့အဆုံး
ကိုယ့်ရင်ဘတ်ကိုယ်ထွန်ခဲ့တဲ့ကောင်ဟာ
ဗဟိုကိုမှစွဲတဲ့ မြှားတစ်စင်းလို
ခပ်ပြုံးပြုံးနဲ့ စက်ဝိုင်းသံကိုရှာကြည့်နေ
စက်ဝိုင်းလိုပြန်လည်စရာမလို
စာသားတွေပြောင်မြောက်တယ်ကွာ...
ငါ့ညီရေ မိုက်တယ်ဟေ့...
တစ်ခုဆုံးရင် တစ်ခုပြန်စ
အိပ်မက်ရှိနေသေးသမျှ
အစဟာအဆုံး အဆုံးဟာအစ
တွေးတတ်လိုက်တာ လွန်ပါရောလားကွာ
တစ်ခါမှမတွေးမိဘူး
ကောင်းတယ်ညီလေးရာ...