အရူး

မိုးရေတွေက
ခါးတယ် ။

ရွာရိုးကိုးပေါက်လျှောက်ရင်း
ခြေသလုံးသားကို
ခွေးလေခွေးလွင့်တွေအတွက် ငါပူဇော်ခဲ့ ။

ဝမ်းစာအတွက် ငါ ချိုးလိုက်တဲ့
ကန်စွန်းညွန့်လေးရဲ့ ကြမ်းခင်းဈေးအတွက်
သူတို့ရဲ့ ပါးစပ်ဖျားမှာ
ကရုဏာသံတွေ ကြားလိုက်ရ ။

ငါလာပြီဆို
ဝုန်းကနဲ အိမ်ပေါ်ပြေးတက်သွားတဲ့
ကလေးတစ်သိုက်ရဲ့ တော်လဲသံတွေ
ကလေးတွေချော့ရင်း
အပူရုပ်ကို ဟန်လုပ်တပ်ဆင်ထားကြတဲ့
မျက်နှာဖုံးများဟာ ပူပြင်းစူးရှ ။

ဆုပ်လည်းစူး စားလည်းရူး စကားလုံးတွေအောက်
ဖြေဆေးမရှိတဲ့ ငါ့စကားလုံးဟာ
ပျောက်ဆုံးပြတ်တောက်လို့ ။

အမှန်တစ်ခုရှိတယ်
အမှားတစ်ခုရှိတယ်
ဆိုကြပါစို့
အမှန် = ၁
အမှား = ၁
ထို့ကြောင့် ...
အမှန် = အမှား
တစ်ဟားဟား နဲ့
တစ်ကိုယ်လုံး သိမ့်သိမ့်တုန်အောင်
ငါရယ်လိုက်မိ ။

သူတို့ကလည်း ငါ့ကိုကြည့်
လက်ညှိုးတစ်ထိုးထိုးနဲ့
ရယ်လို့ မောလို့
လူကြီးတွေ
ကလေးတွေ
ခွေးတွေ
အားလုံး ပျော်ကြလေတယ် ။။

အိုင်လွယ်ပန်