မိုးရေတွေက
ခါးတယ် ။
ရွာရိုးကိုးပေါက်လျှောက်ရင်း
ခြေသလုံးသားကို
ခွေးလေခွေးလွင့်တွေအတွက် ငါပူဇော်ခဲ့ ။
ဝမ်းစာအတွက် ငါ ချိုးလိုက်တဲ့
ကန်စွန်းညွန့်လေးရဲ့ ကြမ်းခင်းဈေးအတွက်
သူတို့ရဲ့ ပါးစပ်ဖျားမှာ
ကရုဏာသံတွေ ကြားလိုက်ရ ။
ငါလာပြီဆို
ဝုန်းကနဲ အိမ်ပေါ်ပြေးတက်သွားတဲ့
ကလေးတစ်သိုက်ရဲ့ တော်လဲသံတွေ
ကလေးတွေချော့ရင်း
အပူရုပ်ကို ဟန်လုပ်တပ်ဆင်ထားကြတဲ့
မျက်နှာဖုံးများဟာ ပူပြင်းစူးရှ ။
ဆုပ်လည်းစူး စားလည်းရူး စကားလုံးတွေအောက်
ဖြေဆေးမရှိတဲ့ ငါ့စကားလုံးဟာ
ပျောက်ဆုံးပြတ်တောက်လို့ ။
အမှန်တစ်ခုရှိတယ်
အမှားတစ်ခုရှိတယ်
ဆိုကြပါစို့
အမှန် = ၁
အမှား = ၁
ထို့ကြောင့် ...
အမှန် = အမှား
တစ်ဟားဟား နဲ့
တစ်ကိုယ်လုံး သိမ့်သိမ့်တုန်အောင်
ငါရယ်လိုက်မိ ။
သူတို့ကလည်း ငါ့ကိုကြည့်
လက်ညှိုးတစ်ထိုးထိုးနဲ့
ရယ်လို့ မောလို့
လူကြီးတွေ
ကလေးတွေ
ခွေးတွေ
အားလုံး ပျော်ကြလေတယ် ။။
အိုင်လွယ်ပန်
Subscribe to:
Post Comments (Atom)
5 comments:
ပျော်သလိုလို ဖြစ်လာတဲ့အထိ
စိတ်ပျက်ညစ်ညူးဖွယ်ရာတွေထဲမှာ
အသားကျနေခဲ့ကြတာ..ကြာပြီပေါ့ အိုင်လွယ်..ရယ်..
ရူးနေရတာ..စိတ်ချမ်းသာပါတယ်..အပြစ်ကင်းတယ်
ရူးချင်ယောင်ဆောင်နေရတာသာ.........
ချစ်ခင်စွာ
တစ်ခါ တစ်ခါ တကယ်ရူးသွပ်သွားခြင်းဟာ စိတ်ချမ်းသာခြင်းသေတ္တာတစ်လုံးကို ကောက်ရလိုက်သလိုပါဘဲ။
စိတ်၏စေရာနာခံလေသော
မိုးမြင့်တိမ်
အသားကျနေခဲ့သော ရူးသွပ်မှုတွေနဲ့
ရူးသွပ်မှုတွေအသားကျနေသောဘဝတွေ ..
ကဗျာလေး လာဖတ်သွားပါတယ်။ ကောင်းသောနေ့ပါရှင်
ရူးသွပ်စွာ...ပျော်ရွှင်ကြပါစေ..
Post a Comment